أخبار سوريا

فنانة سورية للمرة الأولى تهاجم مؤيـ.ـدي النظام السوري

عقب وصفهم للخارجين بكثرة في الشوارع بعد الحظر بـ”القطيع”

تولين البكري للمرة الأولى تهاجم مؤيـ.ـدي النظام السوري، عقب وصفهم للخارجين بكثرة في الشوارع بعد حظر بـ”القطيع” واستـ.ـهزأت منهم بالقول: خليكم بمدينتكم الفاضلة!

هذا ماكتبته الفنانة “تولين البكري” عبر حسابها:
“كلمتين واللي بده يزعل يزعل..
هي الناس اللي نازلة طج بوستات عن القطيع اللي فلت بالشوارع اليوم بحب قلهم خليكم بمدينتكم الفاضلة وتركوا الناس بهمها….
هي الناس اللي نزلت اليوم صرلها شهر محجورة ببيتها بدون شغل وبدون دخل وبدون ما حدا يقلها شو لازمك…
ما نزل( هالقطيع) ليتسيرن ولا نزل وخاطر بصحته لأنه جاهل… نزل لأنه مجبور… نزل لأنه سمان حارتهم صار بده يجمع ملايين من الحجر.. نزل ليشتري طبخة من سوق الهال ارخص بمئة ليرة ليوفرها لأولاده…. او نزل ليدور على رزقة يطعمي ولاده منها…
لما كيلو الليمون بيصير سعره 2500 ليرة لا تسأل ليش نزل (القطيع) عالشارع…
لما كيلو اللحمة سعره 12000 وكيلو الدجاج 2500 والزيت والسمنة والسكر والرز والبرغل والبصل بحلقوا للسما لا تسأل ليش نزل (القطيع) عالشارع…
هي الناس مافيها تاكل بسكويت… هي الناس بدها تاكل خبز من خبز الحكومة ولو مفتفت مو محبة فيه بس لأنه حق الربطة 50 ليرة….
حلوا عن كتف هالناس وارحموها شوي

اترك رد

مقالات ذات صلة

زر الذهاب إلى الأعلى