
اغمضت عينيها باستلام لا تريد أن تراهم و هم ينتـ.هكوا حرمة جسدها البريء دقائق معدوده و صرخت أحد النساء بزعر لا يوجد دليل على عذريتها دلف أهلها و زوجها الذي كان يرفض بشده قيام اول ليله مع زوجته بتلك الطريقة و لكن ماذا يفعل تلك هي العادات والتقاليد.
أم العروس بقلق بالغ : في ايه يا ام احمد يا اختي.
أم أحمد بغضب : في و في كتير يا اختي بنتك صاحبه الصون و عفاف مش بنت بنوت.
شهقت المرأه بفزع : مستحيل بنتي أشرف من الشرف.
أم أحمد بسخرية : تعالى شوفي بنفسك بنتك اللي اشرف من الشرف.
ذهبت المرأه كي تراه ذلك المنديل وجدته نظيف فاخذته و عادت إلى ابنتها مره اخرى لتعيد التجربه و لكنه أيضا تلك المره نظيف مما أصابها بالجنون
أخذت تضرب في تلك المسكينه دون رحمه و لكن هي كانت بعالم آخر بعيد كل البعد عن ذلك المكان الذي لا يوجد فيه شيء إلا الظلم .
أم أحمد بغضب : خدي بنتك و بره البيت ده البيت ده طاهر و ابني هيطلقها في اسرع وقت.
دلف والد الفتاة و حملها خارج المنزل عاد بها إلى منزلها و هو لا يستطع رفع رأسه أمام أحد من الموجودين
أخذت تبكي بحزن على حالها و ما وصلت إليه كل شيء أصبح سراب زوجها الذي كان عشقها وحياتها انتظرته أكثر من عشر أعوام حتى يكون نفسه تحملت فقره و نظرت الجميع في القريه انها اول فتاه في القريه تتخطى العشرون عاما و لم
تتزوج و أول فتاه تترك الريف و تسافر للتعليم في الاسكندرية كانت تعشقه و تعلم أنه يعشقها وافقت على العيش مع أهله لأنه غير قادر على جلب منزل بمفرده أو حتى فوق أهله تحملت معه الكثير و الكثير و لكن ما حدث يوم الزفاف كان شي
اخر شعرت انها بالنسبه له و لا اي شيء ترك عائلته يفعلون بها أبشع شيء لا تتحمله اي فتاه على الإطلاق و في النهاية قالوا عنها عار على القريه بالكامل و طلقها مع انه متعلم و يعرف جيدا أن من المحتمل أن تكون عكس الفتيات الأخرى
و يكون غشاءها مطلطي تركها تعاني من نظرات الناس لها تتذكر ذلك من يومين عندما جاء عمها و كان يريد قتلها و الأسوء أن والدتها توافق على قتلها حتى ترفع رأسها بين القريه لا تعلم ماذا كان سيحدث إليها من دون أبيها الذي ساعدها على الهروب.
فلاش بااااااااااااك.
كانت حبيسه غرفتها منذ ذلك اليوم المشؤوم عندما استمعت إلى أصوات النيران في الخارج نظرت حولها برعب تعلم أن تلك هي النهايه بالنسبه لها و صوت عمها يقترب من الغرفه.
العم بغضب : ادخل هات بتك يا سليمان البت دي لازم تموت حطت راسنا و رأس عايله عوض الله كلها في الأرض موتها هو اللي هيغسل العار اللي سببته.
والدتها بقوه : انا هدخل اجبيهاك يا حاج عشان نقدر نرفع راسنا في وسط البلد من تاني لازم النجسه دي تطلع برها و بره الدنيا كلها.
سليمان بقوه متصنعه : أنا اللي هدخل اجيب البت.
دلف إلى الغرفه وجدها ترتعش في الداخل و تبكي بانهيار.
نور : و الله يا بابا و الله انا اشرف من الشرف.
سليمان بحنان : عارف يا حبيبتي بس ده مش وقت كلام انا دلوقتي هطلع لعمك اقوله لقيتك بتصلي تاخدي نفسك و تروح المطبخ حمديه مرات عمك هطلعك من الزريبه بنقاب تروحي عند القطار و تركبي مصر .
ثم أخرج لها مبلغ من المال و أعطى لها و قال بحنان ابوي صادق : خلي دول معاكي اول ما هتنزلي مصر أجرى بيت و انا هبقى اجي أطل عليكي.
انتهى الفلاش بااااااااااااك.
عادت إلى أرض الواقع مره اخرى و هي تمسك بيديها إعلان شركه ياسين للسياحة على طلب سكرتيرة و من هنا سوف تبدأ حياه جديده لا أحد يعلم إذا كانت أفضل أم أسوء من السابقه.
2 عصير قصب لو سمحت
عينيا يا قمر
هند صحبتي قربت مني وقالت بصوت واطي
هو ماله الراجل دا بيبص لك كدا يا بت يا سماح
اصل عينه مني
ااه قولتيلي عشان كدا جيباني اشرب من عنده عصير
ومش هتدفعي طبعا
فشړ انتي تعرفي عني كدا
أحلى كوبايتين عصير للهوانم
كنت واقفه بشرب العصير وانا بلاغيه وبغمزله
بصراحه كنت عاوزه أوقعه أكتر
الواد ابوه صاحب أكبر محل عصير في الحتة
والزباين عندهم طوابير وهو وحيد ابوه وامه
كان لازم اتقل عليه عشان أوقعه فيا
حاول معايا كتير وجاب نمرتي معرفش منين
بس انا كنت بصده ..اصله واد لعبي ومش بتاع جواز
لازم أجيبه على بوزه ويتقدم لي ..اه مانا مش زي البنات الشمال اللي يعرفهم
بس لما بحس
انه خلاص ابتدى يزهق وييأسبعدي عليه واشرب من عنده عصير ..والاغيه بضحكه
ولا بغمزة عشان يحن من تاني
هنيا يا قمر
شكرا
ايه دا ..لا والله ما حصل
هو ايه لاطبعا لازم تاخد الحساب
ميصحش ابدا يا انسه سماح
وبعدين بقى يا حسنين هو انت مش عايزني أشرب
من عندكم تاني ولا أيه
ها ..لا طبعا المحل وصاحب المحل ملكك
بس انتي عدم اللمؤاخذه يعني معرفتنيش بالأستاذه
دي ..دي هند صاحبتي ساكنه في الحارة اللي ورانا
عند المقام ..أتعرفت عليها من اسبوعين
وبقينا زي الاخوات
اهلا بيكي ..نورتي المكان
هند قالت له بقنعره
اه ..متشكره ..مش يلا بقى يا سماح
طيب بالأذن بقى يا حسنين
أذنك معاك يا جميل
وقفت توكتوك وطلعنا على المحل اللي بتشتغل فيه
هند ..محل هدوم قالت لي انها شغالة فيه من سنه
ومحتاجين وحده تشتغل معاهم ..مكان البنت اللي اتجوزت
ومشيت ..روحت معاها وقابلت صاحب المحل
واتفقت معاه ع المرتب وساعات الشغل ..وقالي
شهر تحت الاختبار لو نفعتي معانا
هزودلك القبض
الشغل كان 10 ساعات ..كنت انا وهند مع بعض
والأمور كانت تمام ..اشتغلت لمدة اسبوعين
والأمور كانت تمام ..انشغلت في المحل
والشغل الجديد ونسيت حسنين شوية
ومبقتش أعدي عليه في المحل ..خصوصا
وان بيتنا كان ليه طريق تاني غير طريق المحل بتاعهم
صاحب المحل كان أكبر مني ب 20 سنه
زوجته كانت مريضه فكان مش بييجي على طول
وسايب الشغل لأبن أخته ..اسمه علاء
شاب رخم كدا وملزق وعينه عليا في الرايحه والجاية
هند قالت انه حاول معاها قبل كدا ..بس هي شدته
ومن ساعتها عرف انها ملهاش في الشقط
وافتكر اني انا سهله ..حاول يستظرف أديتله فوق دماغه
اشتكيته لخاله وقالي متزعليش منه
انا هخليه ميتكلمش معاكي تاني ..صاحب المحل
كان اخلاق ومحترم عكس الزفت ابن اخته دا
لكن بعدها بكام يوم ماټت مراته ..وزعل اوي
وقرر يقفل المحل فترة ..كان بيحبها أوي
قال معلش شهر كدا لحد ما اعرف افوق
من الصدمه ومتقلقوش مرتبكم ماشي
رجعت البيت تاني وابتديت اتخنق من القعدة
كنت خلاص أخدت ع الخروج والروح والجي
في يوم كنت عند هند زورتهم في بيتهم
وقعدت معاها وقالت لي في عريس متقدم لها
شاب من عندهم باين عليه طيب وابن حلال
قولتلها الف مبروك وربنا يتمم لك بخير
طبعا لما أرجع
وأحكي لأمي ..هتسود عيشتي
وتقولي شايفه البنات اللي بتفرح أهاليهم وبيتخطبوا
وانتي كل ما حد ييجي بترفضيه
وانا كنت برفض عشان مستنيه حسنين
دا يحس على د.مه وييجي يتقدم
حسنين !! انا أزاي نسيته الفترة دي
لازم أعدي عليه وانا راجعه واشوفه
زمانه نسيني او في وحده غيري وقعته
الكلام خدني والقعده مع هند وكلامها
عن خطيبها ..والساعه قربت على 11 قولتلها
معلش بقى انا مضطرة أمشي عشان اتأخرت
نزلت من عندها وقولت انا هعدي عليه الأول
وألمح له بقى أن في حد متقدم لي يمكن يحس على د.مه
عديت المرة دي من الشارع بتاعهم
ولقيت العصارة مقفولة ..وفي شادر عزا
قريب من بيتهم ..ماهو بيتهم فوق العصارة
قلبي أتقبض قربت بسرعه من العزا
ولقيته واقف بياخد
العزا وشكله حزين
اول ما شافني ..خرج ومشي ورايا
ووقفنا عند العصارة وانا بقوله
خير مين ماټ
قالي وهو حزين
ابويا ماټ أمبارح
لا اله الله الله ..أنا الله ونا اليه
راجعون
البقاء لله معلش انا مكنتش اعرف
ماهو
لو بتسالي كنتي عرفتي
معلش اصلي اشتغلت في محل ملابس
مع هند صاحبتي اللي كانت معايا اخر مره
وانشغلت اوي ..حقك عليا
ماشي ..المهم انتي عامله ايه
انا بخير ..عايزاك انت بس تشد حيلك
وتتماسك كدا ..وربنا يجعلها اخر الاحزان
ربنا يخليكي ..انا كنت عايز اقولك حاجه
خير اتفضل !!
بصراحه مش عارف
ايه قول في ايه
اصل الموقف مش مناسب بصراحه
حسيت انه عايز يقولي وحشتيني
بس محرج عشان عز والده والظروف
بصيت له وقولتله..على فكرة وانت كمان وحشتني
ايه دا بجد !!
اه
وعرفتي أزاي انك كنت هقول كدا !!
حسيتها ..انا اكتر حد يفهمك من عنيك
حسيت بفرحه في عنيه رغم حزنه على مۏت والده
قالي انا كمان في كلام كتير جوايا
بس مستني الظروف دي تعدي وهكلمك
اه ..بس متتأخرش بقى عشان ..
عشان ايه
اصل في واحد متقدم لي واهلي موافقين
بس مستنيين ردي
لا ..اوعي توافقي ..
ليه
عشان انا هتقدم في أقرب وقت ..بس معلش
الظروف زي مانتي شايفه
طيب خلاص انا هرفضه .
وانت حاول تيجي قريب وممكن نكتفي بقراية
فاتحه بس في الأول كدا ع الضيق يعني
طيب ماشي ..خلي بالك من نفسك
معلش مضطر أستأذن مينفعش أغيب اكتر من كدا
على العزا
اه طبعا ..وانت كمان خلي بالك من نفسك
فات كام يوم ..والعزا خلص
وهو متصلش ..لا حس ولا خبر
كلمته كذا مرة موبايله مقفول
كنت محتاره هو في ايه
بعد أسبوع قولت مفيش فايده لازم أنزل
وأشوفه واعرف ماله
عديت من عند العصارة لقيته مش موجود
دخلت المحل لقيت والده هو اللي قاعد
اټخضيت ووقفت متبرجله
بص لي بأستغراب وقالي مالك يا بنتي في حاجه
وقفت مبرقه وانا مش مستوعبه ..أزاي كان عزاه
من اسبوعين وواقف دلوقتي قدامي
مالك يابنتي
لقيت واحد من اللي شغالين في المحل بيقول
في حاجه ياحج
قاله مش عارف مالها
طب ارتا انت يا حج وانا هشوفها
خرج وقعد ع الكرسي وقعد عليه وهو حزين
خير يا انسه سماح
هو انت تعرفني
اكيد طبعا ..دا المعلم حسنين كان بيكلمني
عنك دائما وانا شوفتك كذا مرة جيتي هنا عندنا
كان بيكلمك..هو حسنين فين
قالي بأستغراب
هو حضرتك متعرفيش !
اعرف ايه انا
وبعدها لمحت وراه صورة حسانين
متعلقه ع الحيط وعليها شريطه سودا
بلعت ريقي بصعوبة وانا مش مصدقه وهو بيقولي
حسنين ماټ من حوالي عشرين يوم في حاډثه
ووالده زي مانت شايفه كدا من ساعتها وهو حزين
على ابنه الوحيد
حسنين ماټ !!
الله يرحمه كان ناوي يتقدم لك قريب اخر مره جاب
سيرتك فيها معايا
ساعتها انتبهت لحاجة غريبة مكنتش لاقيه ليها تفسير
واحنا واقفين مع بعض ليلة العزا
انه مكنش ليه ضل على الحيط منعكس من الاضاءة بتاعت عمود النور اللي كنا واقفين تحته
انا بس اللي كان لي ضل !!
تمت
بدون ظل



