نبدأ بتفاصيل القصة👈👈👈 هل سمعتم عن بئر زمزم المصري
هذا المكان يا سيدي موجود في مصر و تحديدا في وادي النطرون .
وقصته تفوق الخيال و ضد قوانين الطبيعة اساسا .
توجد بحيرة في وادي النطرون اسمها بحيرة السماء او بحيرة الحمرا و البحيرة دي من اكتر البحيرات ملوحة على وجه الارض.
و في رحلة العائلة المقدسة نزلت في هذا المكان السيدة (مريم العذراء) و سيدنا (عيسي )المسيح عليه السلام و هو طفل طبعا و معاهم يوسف النجار و هنا بكي الطفل من العطش.
وهنا حاولت الأم ان تبحث لطفلها عن ماء عذب و طبعا البحيرة زي ما قلنا شديدة الملوحة ولا تصلح للشرب و هنا دعت مريم ربها و فجأة تفجر ينبوع ماء عذب من داخل البحيرة .
تخيل ماء عذب يخرج من وسط الماء المالح علشان يشرب نبي الله في معجزة ضد كل قوانين الطبيعة.
طبعا تتذكر.. قصة السيدة هاجر وسيدنا اسماعيل عليه السلام لما تفجر (بئر زمزم) من تحت قدميه ، المعجزة واحدة و الفاعل واحد وهو (الله)
تخيل أن هذا النبع مازال موجودا إلى الان داخل البحيرة و لم يجف حتى الآن رغم أن عمره اكتر من ٢٠٠٠ سنة و عاملين حواليه داخل البحيرة بئر يحيط به علشان يفصل بينه و بين مياه البحيرة المالحة .
يقال ان مياه النبع بيطلقوا عليها اسم (بئر مريم) او (بئر زمزم المصري) وان مياه البئر بتساعد علي شفاء أمراض كتير وأن طعمها مختلف عن مية الابار أو البحيرات التي موجودة في مصر .
البحيرة كمان نفسها تحس إنها هدية من الله فعلا لمصر .
وقيمتها في انها بتحتوي علي العديد من الاملاح الكبريتية و املاح البوتاسيوم اللي بتعالج العديد من الامراض الجلدية زي الاكزيما و الصدفية و كمان امراض تانية زي الروماتيزم و الروماتويد و التهاب المفاصل .
وتعتبر تاني اكبر بحيرة علاجية في العالم بعد (البحرالميت في الاردن).
