كل شي بهاي الدنيا إما تتركه او يتركك

نبدأ بتفاصيل القصة👈👈👈 قصة واقعية حدثت مؤخرا…جوزي أخد تكسي و راح زار أمه يوم الخميس بعد الدوام ..
تغدا عندها وقعد شوي .. وأمه صارت تحكيله إنه محتاجة تركب سنان وانها ما بتعرف تاكل لانه مكانهم فاضي وراحت عالدكتور وطلب منها مبلغ..

وزوجي كان مستلم الراتب .. طالع الراتب كله وأعطاها أياه وطبعا ما ضل معه إشي .. لدرجة إنه روح مشي .. وصل يا دوب قادر يلقط نفس ..

ولما تحمم وغير أواعيه وقعد حكالي هيك هيك صار معي اليوم .. وما قدرت احكيلها لأ .. كيف بده ييجيني قلب آكل وأشرب وهي لأ ..

صح زعلت بيني وبين حالي وانقهرت أولها بس هاي أمه كمان .. حكيتله يلا بسيطة بيكفي دعوة منها .. وان شاء الله ربنا بيرزق لا تهكل هم ..

أقسم بالله يا جماعه ما في ساعة زمن .. رن جارنا على زوجي وحكاله إنه حماه قاعد بناية وبده واحد يستلم ورشة الكهربا بحكم انه زوجي بالأصل كهربجي بعد وظيفته.

طبعا وافق على طول .. وطلع مع جارنا عند حماه ..
ولما رجع كان معه ٣٠٠٠ .. فرحتي كانت لا توصف .. وهو كان مو مصدق ..
حكالي الزلمة دفعلي مقدماً .. بالعادة ما حد بعمل هيك ..
هاي اكيد دعوة حماتي ورضاها عليه .. وكمان يقيني برب العالمين إنه ما راح ينسانا .. الحمدلله الف مرة
فعلا كل شي بهاي الدنيا إما تتركه او يتركك
إلا رب العالمين إن قربت منه أغناك وإن تركته ناداك